Av tí at jødarnir vóru monoteistiskir og einans tilbóðu ein Gud, so hevði tað verið gudsspottan, um ein segði, at Jesus var sjálvur Gud. Men hetta var kortini júst tað, ið tey fyrstu kristnu trúu og boðaðu viðvíkjandi Jesusi!​

1. Um Gud ikki er til, so eru objektiv moralsk virðir og moralskar skyldur heldur ikki til.
2. Objektiv moralsk virðir og moralskar skyldur eru til.
   
3. Tessvegna er Gud til.

Umframt ta tómu grøvina og at sýna seg fyri lærusveinunum goymdi Jesus eisini tað til síðst, sum á mangan hátt kann sigast at vera hitt størsta undurið: Heidningarnir byrjaðu at angra sínar syndir og at venda um. Og teir venda um enn tann dagin í dag​.

Hvat er sannleiki? Hesin spurningurin passar líka so væl inn í okkara samanhang og samtíð, sum hann eisini gjørdi fyri Pilatus og hansara samtíð. Hvat er veruliga sannleiki, tá ið man trýr, at eingin endaligur sannleiki er til? Jú, tá verður tað, líkasum Steve Turner sigur: Vit trúgva, at ein og hvør má finna sannleikan, sum passar honum best. Soleiðis er tað als ikki við sannleikanum, sum Jesus kemur við.​

Tjaldtemplið er eitt sokallað mini-Eden, tí at Gud er nærverandi í tjaldtemplinum, líkasum hann eisini var nærverandi hjá Ádam og Evu í Eden áðrenn syndafallið. Bæði tjaldtemplið og Sálomonstemplið peika altso á vegin aftur til Guds nærveru í páradís – nakað, sum vegna Jesu fullgjørda offur á Golgata verður til veruleika í hinum nýggja og himmalska Jerúsalem.​

"Fyri at halda á við at vera gudloysingur, mátti eg trúgva, at einki var atvold til alt, at ikki-lív var atvold til lív, at tilvild var atvold til neyvstilling, at ruðuleiki var atvold til upplýsing, at óvitan var atvold til tilvitan, at óskynsemi var atvold til skynsemi. So stóra trúgv hevði eg rætt og slætt ikki" (Lee Strobel).​

Tað fyrsta, sum Bíblian sigur um menniskjuna er ikki, at hon er ein syndari, men at hon er skapað í Guds mynd. Tað er hetta, ið er orsøkin til tað heilt serliga virðið hjá menniskjuni. Uttan mun til útsjónd, rasu, gávur ella evni til at vera virkin, so er menniskjan kortini heilt serlig. Gudsmyndin vikast ikki!

Óætlað samsvar er við til at vísa okkum, at evangeliini eru álítandi. Jú, fleiri óætlað samsvar ein fær savnað saman, tess sterkari verður próvgrundin fyri evangeliunum sum eftirfarandi keldur.​

Av teimum umleið 138.000 orðunum, sum vit hava í Nýggja Testamenti, er einans ivi um eini 1.400. Teksturin í Nýggja Testamenti er sostatt staðfestur eini 99%. Hetta merkir, at tá ið tú í dag lesur Nýggja Testamenti (á grikskum), kanst tú vera vísur í, at tú lesur tekstin, soleiðis sum hann upprunaliga varð skrivaður​.

"Vit sita eftir við hini tryggu søguligu niðurstøðuni: grøvin var tóm.... Eg meti, at henda niðurstøðan kann bólkast saman við einari søguligari vissu, sum er so stór, at hon í roynd og veru kann sigast at vera heilt vís - líkasum deyðin hjá Augustusi í 14 e.Kr. ella fall Jerúsalems í 70 e.Kr." -N.T. Wright